Klik hier voor de poster-versie

Met mekaor en veur mekaor in de wiek
Wij doet oes best veur de leefbaorheid van de wieken. De wiek mot de plaots weden waor lu zuch thoes vuult en waor der nog naoberschap is.

• Anpak van overlast en vervoeling
• Per wiek een plan um de veiligheid te verhogen
• Goeie veurzienings in elke wiek

Thoes best
Kinder grootbrengen is een belangrieke taok, waor de olders in de eerste plaots verantwoordelijk veur bint. Wij wilt geern dat pap en mam, ok as het um een ienoldergezin giet, veul tied an heur kinder besteden kunt. Veur kinder mot der de gebörgenheid en veiligheid van een goed thoes weden.

• Centrum veur Jeugd en Gezin
• Olderschapscursus wordt anbeuden
• Hulp wordt anbeuden as olders oet mekaor gaot

Zörg veur elkenien die het neudig hef
‘De overheid as schild veur de zwakken.’ Het kan weden dat het wat olderwets over komt, maor het vertelt feilijk precies wat de ChristenUnie wil.

• Understeuning van mantelzörgers
• Hulp bij initiatieven die ienzaomheid tegengaot
• Stevige anpak um alcoholmisbroek tegen te gaon

Wark veur iederien
De ChristenUnie döt zien best um meer warkgelegenheid in Assen te kriegen. Wark is dé manier um mèensen oet het kringgie van oetkerings en subsidieerd wark te holden of te kriegen. Boetendes is het de beste manier um een actief lid van de saomenleving te weden. Een roem underwiesanbod in Assen helpt mèensen op het pad naor wark.

• Anfietern van meer warkgelegenheid
• Meer opleidingsmeugelijkheden op MBO en HBO
• Anpakken van de jeugdwarkloosheid

Met het oog op de toekomst
In oeze aal maor groter wordende stad doe wij benaom oes best veurduurzaome  (economische) ontwikkeling en wil wij dat elk mèens zuch dervan bewust is dat e met-verantwoordelijk is veur wat der in de maatschappij gebeurt.  Wij wilt zörgen veur de schepping en de saomenleving.

• Duurzaom bouwen
• Groten en kinder moet snappen wat heur gedrag veur gevolgen veur het milieu hef
• Genog veilige meugelijkheden um de fiets te stallen

Ontspannen en je vernuvern
Wij wilt dat alleman metan doen kan as het giet um sport en het verieningsleven. Wij wilt de cultuur anpirdjen. Assen is een stad met veul gruun en dat mot ok zo blieven.

• Gien 24-uurseconomie
• Assen op de kaort zetten as grune stad waor aj merakel recreëren kunt
• Bibliotheek, meziekschoel en sport mot veur elkenien te betaolen weden

Vertaling: Huus van de Taol - Postbus 163, 9410 AD Beilen -  www.huusvandetaol.nl